كيف تمت خياطة هالفستان !!
كم استغرق وقت !!
ايش الفابركز او الخامات اللي تم استخدامها !!
 كم ورده ، لولو ، ريش ..... الخ تم استخدام  !!

مايجي على بالكم هالاسئلة لما تشوفو عروض الازياء
خاصة لو كانت عروض كوتور ، لان المعروف عن تصاميم الكوتور انها تخاط وتطرز يدويا
!!

عن نفسي احب اغوص في هالتفاصيل واحب ادور عليها
و فديوهات الـ Making Of و Behind The Scenes عشقي
❤️❤️

علشان كذا اليوم راح اخذكم بجوله خلف الكواليس
 لكم تصميم  انعرضو من اسبوع الموضة لملابس السهره لموسم خريف شتاء ٢٠١٧
 ونعرف بعض التفاصيل عنهم 

التصميم الاول

فستان من مجموعة ايلي صعب اللي كانت مستوحاة من العصور الوسطى ( Game Of Thrones)

هالفستان استغرق العمل عليه 500 ساعه عمل من قبل 13 شخص ، وتم استخدام 8000 قطعه ترتر و 1000 قطعه لؤلؤ 

التصميم الثاني 

فستان من مجموعة Proenza Schouder  واللي كانو متواجدين في باريس هالموسم لاول مره 

وعلى الرغم من ان المجموعة اللي قدموها كانت خاصة لملابس الجاهزه (Ready To Wear) لربيع صيف 2018 

الا ان هالفستان اللي هو عباره عن Top & Skirt استخدمو فيه تكنيك الكوتور وتم خياطته يدوياً


 استغرق 400 ساعه عمل من قبل 12 شخص ، وتم استخدام قماش الأورجنزا للتوب وتطريزه بـ 320،000 قطعه ترتر
على شكل ورود واستغرق جمع الورود ٣ ساعات اضافيه
اما قماش او خامة التنوره فمصنوعة من ريش النعام 

التصميم الثالث 

جاكيت من مجموعة ديور
اللي كانت مستوحاة هالموسم من خريطة الفنان الفرنسي Albert Decaris سنه 1953 واللي وصف من خلالها
تنقلات ورحلات المصمم christian dior مؤسس الدار

 في هالجاكيت تم اعاده رسم وتطريز الخريطه
  واللي استغرق 700 ساعه عمل لتطريز معالم الخريطه ، و 200 ساعه اضافية لتجميع وخياطه والانتهاء من الجاكيت بالكامل ، وشخصين عملو عليه

~~~

شايفين كم ياخذ تصميم واحد فقط من كوليكشن كامل !!

 تخيلو كم راح ياخذ وقت ، جهد ، تكلفة  الكوليكشن كله علشان يخلص 🤔

وعلشان كذا احد اسباب ارتفاع اسعار تصاميم الكوتور راجعة لهالتفاصيل  💸

  Source: vogue.com